დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დღეიდან, 27 აპრილიდან შეზღუდვა მოიხსნა ონლაინ ვაჭრობაზე, როგორც საბითუმო, ისე საცალო შემთხვევაში. გარდა ამისა, უკვე დასაშვებია მიტანის მომსახურება ნებისმიერ პროდუქტზე.

შეზღუდვები მოიხსნა სასოფლო-სამეურნეო ბაზრებისთვისაც. იმისთვის, რომ ფუნქცონირება შეძლოს, აგრარული ბაზარი ღია ტიპის უნდა იყოს.

საქართველოს მთავრობის ინფორმაციით, შეზღუდვები მოეხსნა მხოლოდ იმ კომპანიებს, დაწესებულებებს და ობიექტებს, რომლებიც აკმაყოფილებენ ჯანდაცვის სამინისტროს მიერ შემუშავებულ წესებს.

ამასთან, აკრძალვები მოიხსნა მთელი ქვეყნის მასშტაბით, გარდა იმ მუნიციპალიტეტებისა და ადმინისტრაციული ერთეულებისა, სადაც დაწესებულია მკაცრი საკარანტინო რეჟიმი.

გარდა ამისა, დღეიდან დაშვებულია მსუბუქი ავტომობილებით გადაადგილება ქალაქებსა და მუნიციპალიტეტებს შიგნით. ასევე, შესაძლებელი იქნება გადაადგილება ტაქსით. ასევე, მოქალაქეებს შეეძლებათ თბილისში, რუსთავში, ქუთაისსა და ბათუმში შესვლა და გამოსვლა ორი დღის განმავლობაში, მხოლოდ გამონაკლის შემთხვევებში, როცა ფაქტობრივ საცხოვრებელ მისამართზე ბრუნდებიან.

ბოლო მონაცემებით, საქართველოში კორონავირუსით ინფიცირებულია 496 ადამიანი, მათგან 149 გამოჯანმრთელებულია, ხოლო 6 გარდაცვლილი. კარანტინის რეჟიმში 4 932 ადამიანი იმყოფება, სტაციონარში მეთვალყურეობის ქვეშ — 568.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: