ბოლნისის სიონის ტაძრის მოძღვარს კორონავირუსი დაუდასტურდა. ის უკვე მეორე სასულიერო პირია, რომელსაც COVID-19 აღმოაჩნდა.

ქვემო ქართლის გუბერნატორის, შოთა რეხვიაშვილის თქმით, ტაძარი მრევლი აღარ დადის და და წირვა-ლოცვა მრევლის გარეშე აღევლინება.

On.ge ცდილობს დაუკავშირდეს საპატრიარქოს პრესსამსახურს და გაარკვიოს, ჰქონდა თუ არა სასულიერო პირს მოქალაქეებთან შეხება.

14 აპრილს ცნობილი გახდა, რომ კორონავირუსი დაუდასტურდა თბილისში, წმ. იოანე ღვთისმეტყველის სახელობის ტაძრის ერთ-ერთ სასულიერო პირს. ის კლინიკაში ოჯახის ორ წევრთან ერთადაა მოთავსებული. სასულიერო პირმა ხარებას ღვთისმსახურება აღავლინა და ეზიარა.

საგანგებო მდგომარეობის ფარგლებში დაწესებული ახალი შეზღუდვებით, ქვეყნის მასშტაბით სასაფლაოები დაიკეტა. ახალი შეზღუდვებით, აკრძალულია ნებისმიერი მსუბუქი ავტომობილით გადაადგილება, მათ შორის ტაქსითაც. ასევე, სავალდებულო გახდა პირბადის ტარება.

ბოლო მონაცემებით, საქართველოში კორონავირუსის 370 დადასტურებული შემთხვევაა, მათგან გამოჯანმრთელებულია 77 ადამიანი, ხოლო გარდაცვლილია 3. კარანტინის რეჟიმში 5 079 პირი რჩება, სტაციონარში მეთვალყურეობის ქვეშ კი 558 პაციენტი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: