ილიას სახელმწიფო უნივერსიტეტის ფსიქიკური ჯანმრთელობის რესურსცენტრი, ადიქციის კვლევების ინსტიტუტი და სტუდენტთა ფსიქოლოგიური კონსულტირების ცენტრი იწყებს ვებინარების სერიას "COVID-19-თან დაკავშირებული ახალი ფსიქოსოციალური რეალობა და მასთან გამკლავება".

სერიის ფარგლებში დაგეგმილი ვებინარები:

  • COVID-19-თან დაკავშირებული ფსიქიკური ჯანმრთელობის გამოწვევები და გამკლავების გზები;
  • სტუდენტური ასაკი და ფსიქიკური ჯანმრთელობა;
  • COVID-19-თან დაკავშირებული გამოწვევები და ადიქცია;
  • როგორ შევუწყოთ ხელი ბავშვებისა და მოზარდების ფსიქიკურ ჯანმრთელობას;
  • ოჯახური ძალადობის პრევენცია;
  • კვებითი აშლილობები.

სერიის ფარგლებში პირველი ვებინარი გაიმართება 24 აპრილს, 18 საათზე, ფეისბუქლაივის მეშვეობით ილიას სახელმწიფო უნივერსიტეტის ფეისბუქგვერდიდან, საქართველოს ფსიქოტრავმის საზოგადოებასთან, ფონდთან გლობალური ინიციატივა ფსიქიატრიაში და წამების მსხვერპლთა რეაბილიტაციის ცენტრთან თანაშრომლობით, როგორც ნატალია ზაზაშვილის სახელობის ყოველწლიური საერთაშორისო კონფერენციის "ტრავმა და საზოგადოება" ონლაინპანელი.

პანელის თემა: "COVID-19-თან დაკავშირებული ფსიქიკური ჯანმრთელობის გამოწვევები და გამკლავების გზები" პანელის მონაწილეები: ჯანა ჯავახიშვილი, ილიას სახელმწიფო უნივერსიტეტის პროფესორი; ნინო მახაშვილი, ილიას სახელმწიფო უნივერსიტეტის პროფესორი; ლელა ცისკარიშვილი, წამების მსხვერპლთა რეაბილიტაციის ცენტრის დირექტორი.

კითხვის დასმა შესაძლებელია წინასწარ შემდეგ მისამართზე: [email protected] და ლაივის მსვლელობისას. დრო: 24 აპრილი, 18 საათი ადგილი: ილიას სახელმწიფო უნივერსიტეტის ფეისბუქგვერდი