დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

საქართველოს პრემიერ-მინისტრის გიორგი გახარიას თქმით, ხელისუფლება ცდილობს დაიჭიროს ბალანსი და ზომებს ამკაცრებს იქ სადაც საჭიროა. ამ თემაზე პრემიერმა სპეციალურ ბრიფინგზე ისაუბრა.

"ჩვენი ძირითადი ამოცანა რა არის?! ჩვენ ხომ არ ვართ მდიდარი განვითარებული დასავლური ევროპული ქვეყანა, ჩვენს თითოეულ ნაბიჯს აქვს თავისი ფასი, ჩვენს თითოეულ ეკონომიკურ შეზღუდვას აქვს თავისი ფასი, თუმცა მეორე მხარეს არის ადამიანის ჯანმრთელობა. ჩვენ ვცდილობთ დავიჭიროთ ეს ბალანსი, ნაბიჯ-ნაბიჯს იქ სადაც საჭიროა ვამკაცრებთ", — თქვა გიორგი გახარიამ.

პრემიერის თქმით, გამკაცრებული ზომების მიზანია მსხვილ ქალაქებში მობილურობის მაქსიმალურად სწრაფი შემცირება და შეზღუდა. გახარიას განმარტებით, ეკონომიკის ამუშავებასთან დაკავშირებითაც ზუსტად ასეთი მიდგომა ექნებათ.

გაიგეთ მეტი:

ბოლო მონაცემებით, საქართველოში კორონავირუსი 296 ადამიანს დაუდასტურდა. მათგან გამოჯანმრთელებულია 69, ხოლო გარდაცვლილია 3 ადამიანი. კარანტინის რეჟიმში 4 856 ადამიანი იმყოფება, სტაციონარში მეთვალყურეობის ქვეშ კი 458.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: