დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

მთავრობამ საკარანტინო შეზღუდვები გაამკაცრა და 15 აპრილის 21:00 სააათიდან თბილისში, რუსთავში, ბათუმსა და ქუთაისში ყველა სახის ტრანსპორტით შესვლა და გამოსვლა აკრძალა. პრემიერ-მინისტრის თქმით, შეზღუდვები 10 დღე იმოქმედებს

"ყველა სახის მოძრაობა, ქალაქში არა, ქალაში შესვლა და გამოსვლა იქნება აკრძალული, 10 დღით. რაც ნიშნავს იმას, რომ ჩვენ ამ ნაბიჯით მაქსიმალურს ვაკეთებთ იმისთვის, რომ მსხვილ ქალაქებში მობილურობის დოზა კიდევ უფრო დავწიოთ ქვევით. [...]

რა თქმა უნდა, აქ გარკვეული გამონაკლისები იქნება, რომლის დასაკმაყოფილებლადაც ჩვენს მოქალაქეებს შეუძლიათ მიმართონ ცხელ ხაზს, 144", — განაცხადა მან.

გახარიას მტკიცებით, ეს გადაწყვეტილება არ უკავშირდება კონკრეტულ თარიღებს, ანუ სააღდგომო დღეებს. მისი თქმით, ამ გადწყვეტილების მიღების ერთადერთი მიზანი იყო მობილობის მაქსიმალურად სწრაფი შეზღუდვა.

გარდა ამისა, მთავრობამ გადაწყვიტა, რომ პრეზიდენტს საგანგებო მდგომარეობის 10 მაისამდე გახანგრძლივების მოთხოვნით მიმართა.

საქართველოს რამდენიმე სოფელსა და რეგიონში შიდა გავრცელების დაფიქსირების გამო, უკვე გამოცხადებულია მკაცრი საკარანტინო რეჟიმი.

ბოლო მონაცემებით, საქართველოში კოროანვირუსით ინფიცირების 296 შემთხვევა დადასტურდა. ინფიცირებულებიდან გარდაიცვალა 3 და გამოჯანმრთელდა 69 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: