კანადელი მომღერალი, კომპოზიტორი და პოეტი ლეონარდ კოენი 82 წლის ასაკში გარდაიცვალა. ამის შესახებ მის ოფიციალურ ფეისბუკ გვერდზე განცხადება გამოქვეყნდა, სადაც სიკვდილის გამომწვევი მიზეზის შესახებ დეტალები არ წერია.

კოენის კარიერა 50 წელზე მეტ ხანს გაგრძელდა. მონრეალში დაბადებული მომღერალი, რომლის ჰიტებია Suzanne და I'm Your Man, როკ-ენ-როლის დიდების დარბაზში 2008 წელს შევიდა. მისი ერთ-ერთი ჰიტი Hallelujah პირველ სტუდიურ ალბომში შევიდა, რომელიც 1984 წელს გამოვიდა. სიმღერის პოპულარობა იმდენად გაიზარდა, რომ მსოფლიოში მისი 300-ზე მეტი სხვადასხვა ვერსია შესრულდა.

ლეონარდ კოენის ბოლო ალბომი You want it Darker გასულ თვეს გამოვიდა.