ესპანეთში კორონავირუსით გარდაცვლილთა რიცხვი 1 720-მდე გაიზარდა, აქედან, მხოლოდ ბოლო 24 საათში 394 ადამიანი გარდაიცვალა. The Guardian წერს, რომ ქვეყნის პრემიერ-მინისტრის თქმით, "უარესს ჯერ კიდევ ელიან".

ესპანეთის მასშტაბით დადასტურებული შემთხვევები, ერთ დღეში 3 646-ით (15%-ით) გაიზარდა. 22 მარტის მდგომარეობით კი სულ 28 572 ინფიცირებულია. ევროპის მასშტაბით, იტალიის შემდეგ იქ ყველაზე მეტი დაინფიცირებული გამოვლინდა. ქვეყნის პრემიერ-მინისტრმა, პედრო სანჩესმა პარლამენტს საგანგებო მდგომარეობის კიდევ 15 დღით გადავადება სთხოვა.