ამერიკაში საქართველოს მომავალი ელჩი დავით ბაქრაძე რუსთავი 2-თან საუბრისას აცხადებს, რომ საქართველოსა და ამერიკის ურთიერთობაზე დიდ გავლენას ვერ მოახდენს ის, თუ ვინ გახდება ამერიკის ახალი პრეზიდენტი:

"ეს არის სტრატეგიული თანამშრომლობა, ეს არაა დამოკიდებული მხოლოდ კონკრეტულ პირებზე, ვინც ახორციელებს ამ პოლიტიკას, ეს არის ხალხთაშორის უკვე ჩამოყალიბებული სტრატეგიული თანამშრომლობა, რომელიც გამყარებულია იმ ქარტიით, რომელიც გვაქვს".

დავით ბაქრაძე ამერიკის ელჩის თანამდებობაზე მუშაობას 2016 წლის 5 დეკემბრიდან შეუდგება. რუსთავი 2-თან საუბრისას ის აცხადებს, რომ მისი მისიის დროს ყველაზე მთავარი საქართველოსა და ამერიკას შორის თავისუფალი ვაჭრობის ხელშეკრულების გაფორმება იქნება.

ამერიკის შეერთებულ შტატებში საპრეზიდენტო არჩევნები დღეს, 8 ნოემბერს, იმართება. გაიგეთ როგორ ირჩევენ პრეზიდენტს ამერიკაში: საარჩევნო სისტემის დეტალები.