საზოგადოებრივ მაუწყებელს ახალი ლოგო აქვს

საზოგადოებრივ მაუწყებელს და მის არხებს ახალი ლოგოები აქვთ. რებრენდინგის შესახებ გუშინდელ C სტუდიაში ისაუბრეს.

მაუწყებლის მედიისა და კომუნიკაციის ბლოკის დირექტორის, თინათინ ბერძენიშვილის თქმით, რებრენდინგის საჭიროება მოითხოვა მიზანმა, ორგანიზაციის ყველა ბრენდი ყოფილიყო გაერთიანებული ერთი სიმბოლოს ქვეშ.

დამატებით, შეიქმნა მაუწყებლის ერთიანი სტანდარტები, სადაც ბრენდის ატრიბუტიკის გამოყენების პრინციპებთან ერთად, ჩამოყალიბებულია არხის მთავარი მესიჯები, წამყვანების ჩაცმულობის, საუბრის და გარეგნობის მოთხოვნები.

საზოგადოებრივი მაუწყებლის მარკეტინგის დეპარტამენტის უფროსის, თორნიკე კაციტაძის თქმით, ახალი ლოგოს შექმნისას, გაითვალისწინეს მისი მოქნილობა იმ სამი პლატფორმისთვის (რადიო, ტელევიზია და ინტერნეტი), სადაც მაუწყებლის პროდუქცია ვრცელდება. მან ასევე ახსნა, რომ ლოგოს ვიზუალის ძირითად ელემენტს შეადგენს სამკუთხედები, რომელიც თბილისის ტელეანძის სტრუქტურაშიც იკვეთება.

**საზოგადოებრივი მაუწყებლის 5 უკანასკნელი ლოგო**

რებრენდინგზე ადგილობრივმა ჯგუფმა იმუშავა. თინათინ ბერძენიშვილის განმარტებით, ფერები სხვა ქვეყნების საზოგადოებრივი მაუწყებლების პრაქტიკის გათვალისწინებით შეირჩა — ლოგოს წითელი და მისი ტონები საქართველოს სახელმწიფო სიმბოლოკის შესაბამისია.

უკანასკნელი წლების მანძილზე, საზოგადოებრივი მაუწყებელი უკვე მეხუთედ ახორციელებს მნიშვნელოვან რებრენდინგს. არხის წარმომადგენლების თქმით, ახალი სტილი გრძელვადიან მომავალზეა გათვლილი.

ბოლო ამბები:

გირჩევთ