სულ რამდენიმე საათში კინოსამყაროში ყველაზე ცნობილი და პრესტიჟული დაჯილდოება — ოსკარების 92-ე ცერემონია დაიწყება და ამერიკული კინოაკადემია გასული წლის ფავორიტ ფილმებს დაასახელებს.

წელს დაჯილდოებას გასული წლის მსგავსად წამყვანი არ ეყოლება. სამაგიეროდ თავად სტუმრები ეცდებიან, რომ გამარჯვებულების გამოცხადებისას ხუმრობები თუ პოლიტიკური განცხადებები არ დაიშურონ.

წლევანდელ ცერემონიაზე განსაკუთრებულ პატივს მიაგებენ ავიაკატასტროფაში დაღუპულ ლეგენდარულ კალათბურთელს, კობი ბრაიანტს. ასევე ვიხილავთ ახალგაზრდა მომღერლის, ბილი აილიშის შესრულებასაც.

დაჯილდოების დაწყებამდე საყვარელ ვარსკვლავები ტრადიციულად ჯერ წითელ ხალიჩაზე გამოჩნდებიან, რისი ხილვაც თბილისის დროით ღამის ოთხის ნახევრიდან შეგვეძლება.

პირველ რიგში შეგახსენებთ, რომ თვალი მიადევნოთ On.ge-ის ფეისბუქ გვერდს, სადაც უმოკლეს დროში მოგაწვდით ფოტომასალას წითელი ხალიჩიდან, გამარჯვებულების ვინაობასა და სხვა მნიშვნელოვან დეტალებს.

წითელი ხალიჩის პირდაპირ ეთერში ხილვა შეგიძლიათ ოსკარების ოფიციალურ ფეისბუქ გვერდზე. რაც შეეხება თავად დაჯილდოების ცერემონიას, სამწუხაროდ, მას წელს ქართული არხები არ აჩვენებენ, მისი ხილვა კი მხოლოდ ABC-ის პირდაპირ ეთერშია შესაძლებელი, რომელთან წვდომაც ჩვენს რეგიონს შეზღუდული აქვს.

თუმცა გულს ნუ დაიწყვეტთ, დაჯილდოების დაწყებისას ეს სტატია განახლდება და უმოკლეს დროში მოგაწვდით ლინკებს, საიდანაც შესაძლებლობა გექნებათ ცერემონიას პირდაპირ ეთერში უყუროთ.

განახლება:

პირდაპირი ეთერის ხილვა შეგიძლიათ ამ ლინკზე.

ასევე იხილეთ: