იუსტიციის მინისტრი და ვიცე-პრემიერი, თეა წულუკიანი აშშ-ს კონგრესმენებისა და სენატორების კრიტიკულ წერილებთან დაკავშირებით ამბობს, რომ "გაკვირვებული", რადგან მათ წერილებში ქვეყნის ოკუპაციასა და ტერიტორიულ მთლიანობაზე "აქცენტები არ კეთდება".

წულუკიანის თქმით, აშშ-დან წერილები, როგორც დამოუკიდებელმა ქვეყანამ სწორად უნდა გავაანალიზოთ და რეალობასთან შესაბამისობა შევაფასოთ.

"ამ წერილების ავტორებიდან ზოგიერთი რამდენიმე წლის წინ იმასაც აპროტესტებდა და აგზავნიდა წერილებს, რომ რატო მიეცა მიხეილ სააკაშვილი სისხლის სამართლის პასუხისგებაშიო. ჩვენ გავაგრელებთ, რომ სტრატეგიული პარტნიორის წერილებს ყურადღებით გავეცნოთ, მაგრამ იმისთვის ვართ დამოუკიდებელი სამინისტრო და ზრდასრული ადამიანები, რომ თითოეული ტექსტის სწორი ანალიზი გავაკეთოთ და გვქონდეს იმის უნარი, რომ შევაფასოთ რა არის რეალობასთან შესაბამისი", — განაცხადა თეა წულუკიანმა.

მთავრობას ახალი კრიტიკულ წერილი ამჯერად სენატის საგარეო ურთიერთობათა კომიტეტის წევრებმა გამოუგზავნეს. წერილში ხაზგასმულია, რომ საქართველოსა და აშშ-ის პარტნიორობა შესაძლოა კითხვის ნიშნის ქვეშ დადგეს. აქამდე ხელისუფლება ამტკიცებდა, რომ კრიტიკული წერილების მიუხედავად, სტრატეგიულ პარტნიორობას საფრთხე არ ემუქრება.

მიზეზად სენატორები ბოლოდროინდელ მოვლენებს ასახელებენ, რომლებმაც მათი თქმით, კითხვები გააჩინა საერთო ღირებულებების არსებობაზე.

გაიგეთ მეტი სენატორების წერილზე:

გაიგეთ მეტი კონგრესმენების წერილებზე: