მთავარ არხს 1,5-ჯერ მეტი ადამიანი ენდობა, ვიდრე რუსთავი 2-ს. ასეთია NDI-ის კვლევის შედეგები, რომელიც ნოემბერში ჩატარდა და დღეს, 16 იანვარს გასაჯაროვდა.

თუ კი გასული წლის აპრილში რუსთავი 2-ის ნდობის მაჩვენებელი 28 პროცენტი იყო, ჟურნალისტების წამოსვლისა და მთავარ არხზე გადასვლის შემდეგ ეს მაჩვენებელი 12 პროცენტამდე დაეცა. ამავე პერიოდში სამი თვის შექმნილმა ტელევიზიამ, მთავარმა არხმა საზოგადოების 18 პროცენტში მოახერხა ნდობის მოპოვება.

ფოტო: NDI

ეროვნულ დემოკრატიულმა ინსტიტუტმა (NDI) კვლევა 2019 წლის 19 ნოემბრიდან 13 დეკემბრის ჩათვლით ჩაატარა. საქართველოს მასშტაბით (ოკუპირებული ტერიტორიების გამოკლებით), 2 180 (გამოპასუხება 35) პირისპირ ინტერვიუს წარმომადგენლობითი შერჩევის საფუძველზე გამოიკითხა. საშუალო ცდომილების ზღვარი 1,9 პროცენტია.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC — საქართველო.