შინაგან საქემთა სამინისტროს პრესსამსახური განმარტავს, რომ როდესაც პოლიციის უფროსი, ვაჟა სირაძე აქციის დაშლის დროს წყლის ჭავლის არგამოყენებაზე საუბრობდა, მხოლოდ საკუთარ დანაყოფს გულისხმობდა. სირაძეს მედიასთან საუბრისას არ დაუკონკრეტებია, თუ რომელ ქვედანაყოფს გულისხმობდა.

"აღნიშნული საშუალებები გამოყენებული იქნა შინაგან საქმეთა სამინისტროს შესაბამისი დანაყოფის მიერ", — განმარტავს პრესსამსახური.

დღეს, 26 ნოემბერს, გამთენიისას აქციის დაშლის დროს წყლის ჭავლით დასველდა არაერთი ადამიანი და დაშავდა რამდენიმე ადამიანი. გარდა ამისა, აქციის დაშლის დროს დააკავეს 28 ადამიანი.