შინაგან საქმეთა სამინისტროს მიერ გავრცელებული ცნობით, ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა-ტარების ბრალდებით, იმერეთში, 1986 წელს დაბადებული, წარსულში ნასამართლევი პირი დააკავეს.

სამართალდამცველებმა, ბრალდებულის პირადი ჩხრეკისას, ტე-ტე-ს სისტემის ცეცხლსასროლი იარაღი, 1 მჭიდი და 8 საბრძოლო ვაზნა ამოიღეს.

უწყების განცხადებით, დაკავებული ჩადენილ დანაშაულს აღიარებს.

გამოძიება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა-ტარების ფაქტზე მიმდინარეობს.