დღეს, 6 ნოემბერს თავდაცვისა და უსაფრთხოების კონფერენციაზე პრეზიდენტმა სალომე ზურაბიშვილმა განაცხადა, რომ საქართველოს მთავარი და ყოველდღიური უსაფრთხოების გამოწვევად რჩება ოკუპირებული ტერიტორიები.

"ოკუპაცია ნიშნავს რუსეთთან მუდმივ დაძაბულობას, დაუსრულებელ ინციდენტებს, რომლებიც შეიძლება გადაიზარდოს უფრო სახიფათო სიტუაციაში", — თქვა სალომე ზურაბიშვილმა კონფერენციაზე, რომელსაც NATO-ს მაღალჩინოსნები და ამერიკელი კონგრესმენები ესწრებიან.

პრეზიდენტის თქმით, საქართველო მუდმივად ცდილობს მათ თავიდან აცილებას, ვინაიდან ცალმხრივად აქვს უარი ძალის გამოყენებაზე:

"საოკუპაციო ხაზის ორივე მხარეს მცხოვრები მოსახლეობის არსებულ ჰუმანიტარულ გაჭირვებას შეუძლია ნებისმიერ დროს საფრთხე შეუქმნას მშვიდობას და მშვიდობიან განვითარებას".