მომღერალი სოფო ნიჟარაძე აცხადებს, რომ ვასო აბაშიძის სახელობის ახალმა თეატრმა ხელშეკრულება არ გაუგრძელა. ამის შესახებ მან სოციალურ ქსელში დაწერა:

"თეატრმა ხელშეკრულებას აღარ ვაგრძელებთო, თვის ბოლოს დაგეგმილი "ივენთიც" გაუქმდა, თარიღების არევის მიზეზით. რა დამთხვევაა", — წერს სოფო ნიჟარაძე სოციალურ ქსელში.

მანამდე საქართველოს მესამე პრეზიდენტმა, მიხეილ სააკაშვილმა სოციალურ ქსელში დაწერა, რომ სოფო ნიჟარაძე ვასო აბაშიძის სახელობის თეატრიდან გაათავისუფლეს.

"ჩემი პატიმრობის მეხუთე წლისთავზე, ჩემი სოფო გამოუშვეს ვასო აბაშიძის სახელობის თეატრიდან. ის არ ჩაითვალა საკმარისად პროფესიონალად, რომ იყოს ამ თეატრის მსახიობი და მომღერალი.

მანამდეც, ამ თეატრის ახალი შენობა რიყეზე, დაანგრიეს. ესაა ყველაფერი, რისი ცოდნაც გჭირდებათ თუ რა ხდება ამ ქვეყანაში და ყველამ თავისი დასკვნა გააკეთეთ", — დაწერა სააკაშვილმა.