20 ივნისის საქმეზე დაკავებულმა ირაკლი ოქრუაშვილმა ადვოკატები აიცილა. ამის შესახებ ინფორმაცია On.ge-ს თბილისის საქალაქო სასამართლოში დაუდასტურეს.

მათი ცნობით, მოსამართლემ ოქრუაშვილის მოთხოვნა დააკმაყოფილა და მას სახაზინო ადვოკატი დაუნიშნა.

25 ივლისს დაკავებულ ირაკლი ირაკლი ოქრუაშვილს აღკვეთის ღონისძიებად პატიმრობა 27 ივლისს შეეფარდა. ის 20 ივნისის საქმესთან დაკავშირებით სისხლის სამართლის კოდექსის 225-ე მუხლის პირველი და მეორე ნაწილების საფუძველზეა დაკავებული. ეს მუხლები ჯგუფური ძალადობის ორგანიზებას, ხელმძღვანელობასა და მასში მონაწილეობას გულისხმობს. ამავე საქმეზე დაახლოებით 20-მდე ადამიანია ბრალდებული.