საბჭოთა დისიდენტური მოძრაობის ერთ-ერთი დამაარსებელი, მწერალი და უფლებადამცველი ვლადიმერ ბუკოვსკი 76 წლის ასაკში გარდაიცვალა. ბუკოვსკის ცენტრის ინფორმაციით, ის კემბრიჟში, თავისივე სახელობის საავადმყოფოში გულის გაჩერებით გარდაიცვალა.

დისიდენტური მოძრაობა ბუკოვსკიმ 1950-იანი წლების ბოლოს დაიწყო. ის ერთ-ერთი პირველი იყო, ვინც საბჭოთა სისტემა პატიმრებზე ძალადობაში ამხილა.

ბუკოვსკი არაერთხელ დააპატიმრეს. მან ათ წელზე მეტი გაატარა სსრკ-ს ციხეებში, გამოსასწორებელ ბანაკებსა და ფსიქიატრიულ საპატიმრო საავადმყოფოებში.

1972 წელს მას ხუთწლიანი თავისუფლების აღკვეთა მიუსაჯეს "ანტისაბჭოური ქმედებისთვის". კონკრეტულად, მას იმაში ედებოდა ბრალი, რომ ფსიქიატრები პატიმრების წამებაში ამხილა და ეს ინფორმაცია უცხოურ პრესას მიაწოდა.

1976 წელს ბუკოვსკი საბჭოთა ხელისუფლებამ ჩილეს კომუნისტური ლიდერის მიერ დატყვევებულ პირში გაცვალა, რის შემდეგაც ინგლისში, კემბრიჟში დასახლდა.