2017 წელს მექსიკელმა რეჟისორმა, გილერმო დელ ტორომ თავისი ფილმით The Shape of Water ნამდვილი ფურორი მოახდინა და ერთდროულად არაერთი პრესტიჟული ჯილდოს მფლობელი გახდა.

მას შემდეგ რეჟისორს დამოუკიდებელი ფილმი თავისი რეჟისორობით აღარ გადაუღია, მხოლოდ რამდენიმე ფილმისა და სერიალის სცენარის დაწერაში მიიღო მონაწილეობა. თუმცა, როგორც ჩანს, მან გადაწყვიტა, რომ ოსკარების დაჯილდოებაზე მიღწეული წარმატების შემდეგ თვალისმომჭრელი პროექტით დაბრუნებულიყო კინოში.

დელ ტორო 1947 წელს გადაღებული ცნობილი დრამის Nightmare Alley-ს რიმეიქს იღებს და მასში ერთმანეთზე უფრო კაშკაშა ვარსკვლავები ითამაშებენ: ქეით ბლანშეტი, ბრედლი კუპერი, ტონი კოლეტი, უილემ დეფო და რუნი მარა.

ფილმის გადაღებები, სავარაუდოდ, 2020 წელს დაიწყება, შესაბამისად მის პრემიერაზე ფიქრი ჯერ ნაადრევია.