პოლონეთის მმართველმა პარტიამ, კანონი და სამართლიანობა, 13 ივნისის საპარლამენტო არჩევნებში ხმების 45,2 პროცენტით გამარჯვება მოიპოვა. ჯერჯერობით დათვლილია საარჩევნო უბნების 82,8 პროცენტი. საბოლოო გამარჯვების შემთხვევაში, მმართველი პარტია 239 მანდატს მოიპოვებს 460 ადგილიან პარლამენტში.

მთავარმა მეტოქემ ცენტრისტების სამოქალაქო კოალიციამ ხმების დაახლოებით მეოთხედი მოაგროვა 26,1 პროცენტით.

"ჩვენ წინ გვაქვს 4-წლიანი მძიმე შრომა. პოლონეთი უფრო მეტად უნდა შეიცვალოს, ის უკეთესობისკენ უნდა შეიცვალოს", — თქვა მმართვცელი პარტიის ლიდერმა, იაროსლავ კაჩინსკიმ მხარდამჭერებთან შეხვედრისას ვარშავაში.

სხვა პარტიები, რომლებმაც პარლამენტში მოსახვედრად 5-პროცენტიანი ბარიერი გადალახეს, არიან:

  • მემარცხენე ალიანსი — 10,9 პროცენტი;
  • პოლონეთის სახალხო პარტია — 9,8 პროცენტი;
  • ულტრა-მემარჯვენე კონფედერაცია — 6,6 პროცენტი.