Homeland-ის მეექვსე სეზონის პირველი ეპიზოდის პრემიერა 15 იანვარს აშშ-ს დროით 21:00 საათზე შედგება. ამჯერად, მოქმედების ადგილმა ნიუ-იორკში გადაინაცვლა, სადაც კერი მეტისონი (კლეარ დეინსი) ცხოვრობს. იგი ერთ-ერთ ფონდში მუშაობს, რომელიც აშშ-ში მცხოვრებ მუსლიმებს ჰუმანიტარული დახმარებით უზრუნველყოფს.

სეზონი საპრეზიდენტო არჩევნებს ეხება და იწყება არჩევნების დღიდან ინაუგურაციამდე.

Homeland ჰოვარდ გორდონისა და ალექს განსას ამერიკული პოლიტიკური ტრილერის ჟანრის სატელევიზიო სერიალია. იგი აშშ-ში, საკაბელო არხ Showtime-ზე გადაიცემა. მისი პირველი სეზონის პრემიერა 2011 წლის 2 ოქტომბერს იყო.