NDI-ს გამოკითხვის თანახმად, მოსახლეობის უმრავლესობის აზრით, 20 ივნისის აქციის დაშლისას ხელისუფლებამ ძალას გადაამეტა. კვლევაში აღნიშნულია, რომ აქციის შესახებ მოსახლეობის 92 პროცენტს სმენია, მათგან კი ძალის გადამეტებას 68 პროცენტი აღნიშნავს. მათგან მხოლოდ 20 პროცენტი ამბობს, რომ ხელისუფლებამ სათანადო ძალა გამოიყენა.

ფოტო: NDI

NDI-ს კვლევის მიხედვით, მოსახლეობის 62 პროცენტს სმენია 20 ივნისის აქციის შესახებ და ფიქრობს, რომ ხელისუფლებამ ძალას გადაამეტა. მათგან 71 პროცენტი აღნიშნავს, რომ მათ მიმართ, ვინც გადამეტებული ძალა გამოიყენა სათანადო ზომები არ გატარდა.

ფოტო: NDI

კვლევა 2019 წლის 13-29 ივლისის პერიოდში ჩატარდა. გამოიკითხა საქართველოს მასშტაბით 2 131 ადამიანი პირისპირ ინტერვიუს წარმომადგენლობითი შერჩევის საფუძველზე. გამოკითხვის საშუალო ცდომილების ზღვარი არის +/- 1,7%.

ამავე თემაზე: