რუსთავი 2-ის საინფორმაციო გამოშვება კურიერი დილის ცხრა და ათ საათზე ეთერში არ გასულა. მიუხედავად იმისა, რომ ბადეში კურიერი მითითებულია, მის ნაცვლად ეთერში სერიალი გავიდა.

კურიერის ბოლო გამოშვება გუშინ, 20 აგვისტოს საღამოს ცხრა საათზე გავიდა. ტელეკომპანია პირდაპირ ეთერში წამყვანებმა, დიანა ჯოჯუამ და მიშა სესიაშვილმა დატოვეს. ამის შესახებ საინფორმაციო გამოშვება შეწყდა. ქიბარ ხალვაშის მიერ რუსთავის 2-ის გადაფორმებიდან ერთი თვის თავზე არხიდან გაათავისუფლეს საინფორმაციო სამსახურის უფროსი ნოდარ მელაძე. შვებულებიდან დაბრუნების შემდეგ კი გაათავისუფლებენ საზოგადოებრივი და პოლიტიკური ტოქ-შოუს მთავარ პროდიუსერს გიორგი ლაფერაშვილს; პოლიტიკური გადაცემების წამყვანებს გიორგი გაბუნიასა და ეკა კვესიტაძეს და გასართობი გადაცემის ავტორსა და წამყვანს ნანუკა ჟორჟოლიანს. ახალმა დირექტორმა, პაატა სალიამ მათი გათავისუფლების მიზეზად "ინტერესთა კონფლიქტი" და "შიდა ომები" დაასახელა.