კოსმოსის მსოფლიო კვირეული: დედამიწა კოსმოსიდან

World Space Week Association ყოველწლიურად აცხადებს კოსმოსის მსოფლიო კვირეულს. 4-დან 10 ოქტომბრის ჩათვლით, მსოფლიო მედია და ინტერნეტ მომხმარებლები მიმდინარე კოსმოსურ მოვლენებს ჩვეულებრივზე აქტიურად აშუქებენ. კვირეულს თემაც აქვს ხოლმე - წლევანდელი თემა დედამიწის კოსმოსიდან დაკვირვებაა.

გთავაზობთ საუკეთესო ფოტოებს, რომლებიც დედამიწას კოსმოსიდან გადაუღეს.

პირველი ფოტო მთვარიდან

ფოტო 1963 წლის 23 აგვისტოს Lunar Orbiter I-მა გადაიღო და დედამიწაზე NASA-ს მონიტორინგის მადრიდის სადგურმა მიიღო.

Lunar Orbiter I პირველი ამერიკული კოსმოსური ხომალდი იყო, რომელიც მთვარის ორბიტაზე გაეშვა. მისიის მთავარი მიზანი მთვარის ზედაპირის ფოტოების გადაღება იყო, რათა NASA-ს დედამიწის თანამგზავრზე დასაჯდომად შესაფერისი ადგილები შეერჩია.

დედამიწა აპოლონ 11-ის ობიექტივში

1969 წელს აპოლონ 11-ის ეკიპაჟის წევრები, ბაზ ოლდრინი და ნილ არმსტრონგი მთვარის ზედაპირზე დასხდნენ და გახდნენ პირველი ადამიანები, რომლებმაც დედამიწის გარდა სხვა კოსმოსურ ობიექტზე დაადგეს ფეხი.

The Blue Marble

ეს ცნობილი ფოტო აპოლონ 17-ის მისიამ 1977 წელს გადაიღო. ამ ფოტოში პირველად მოხვდა სამხრეთ პოლუსი, რადგან იქამდე კოსმოსური მისიების ტრაექტორიის გამო პლანეტის ამ კუთხიდან გადაღება შეუძლებელი იყო.

დედამიწა და მთვარე ერთ კადრში

1977 წელს, დედამიწიდან 7,5 მილიონი კილომეტრის დაშორებით ხომალდმა Voyager 1-მა გადაიღო ფოტო, რომელშიც დედამიწა და მთვარე პირველად გამოჩდნენ ერთ კადრში.

Pale Blue Dot

იმავე Voyager 1-მა, 1997 წელს დედამიწიდან 4 მილიარდი კილომეტრის დაშორებით ეს ფოტო გადაიღო. თუ ეს ფოტო აქამდე არ გინახავთ, დააკვირდით, წითელ სხივში მკრთალად მოსჩანს ლურჯი მანათობელი წერტილი - ჩვენი სახლი, დედამიწა.