კიბერუსაფრთხოების სპეციალისტმა, გიორგი გვასალიამ TV პირველის ეთერში იმ დეტალებზე ისაუბრა, რაც აუცილებელია ტელევიზიის უსაფრთხოებისთის. მისი თქმით, უნდა იმსჯელოს ტელევიზიის მენეჯმენტმა, გააკეთოს ანალიზი და თქვან, რომ ამ მიმართულებით მეტია გასაკეთებელი, ვიდრე აქამდე იყო. გიორგი გვასალიას განმარტებით, ერთმანეთთან კავშირშია ტექნიკური გაუმართაობა და ნაკლებად დაცულობა:

"ნაკლებად დაცულობა მომდინარეობს იქედან, რომ არ არის ტექნიკურად რაღაცები მოწესრიგებული. თუნდაც შეიძლება ეს იყოს ფასიანი პროგრამული უზრუნველყოფა, ლიცენზირება და ა.შ. რაც იცავს მსგავსი შემთხვევებისგან. თუნდაც ის, რომ თქვენ არ გქონდათ რეზერვირებული და პარალელურად, არ შეგეძლოთ ფაილები, რომლებიც ერთ სერვერზე იყო და დაინფიცირდა, გაგეშვათ ავტომატურად მეორე სერვერიდან, ალტრერნატიული სერვერიდან".

დღეს, 13 აგვისტოს გამთენიისას ტელეკომპანია პირველის ცენტრალურ სერვერზე, სავარაუდოდ, კრიპტოვირუსის მეშვეობით, კიბერშეტევა იყო. კიბერუსაფრთხოების ექსპერტი ამბობს, რომ სტანდარტულად და კლასიკურად კრიპტოვირუსების მიზანია თანხის გამოძალვა:

"ამის უკან რაიმე სახის პოლიტიკური დატვირთვა ან რაიმე სახის პოლიტკჯური განცხადება, რომ უკეთ უნდა იყოს რაღაც მოწყობილი, შეიძლება იდგეს. ეს არის მაქსიმუმ ვარაუდი".