ტერორისტული დაჯგუფების ალ-ქაიდას დამფუძნებლის, ოსამა ბინ ლადენის შვილი ჰამზა ბინ ლადენი მკვდარია. ამის შესახებ ინფორმაციას აშშ-ს მედია სახელისუფლებო წყაროებზე დაყრდნობით წერს. პენტაგონსა და ალ-ქაიდას ჰაზმას დაღუპვა ჯერ არ დაუდასტურებიათ.

ჰამზა, რომელიც 30 წლისაა, ოსამა ბინ ლადენის უმცროსი შვილია. მამის სიკვდილის შემდეგ სწორედ ის განიხილებოდა ალ-ქაიდას ლიდერად. მასზე ინფორმაციისთვის აშშ-მ მილიონიანი ჯილდო დააწესა.

მისი სიკვდილის შესახებ წყაროებზე დაყრდნობით დაწერეს NBC-მ, New York Times-მა და CNN-მა. როგორც გამოცემები წერენ, ჰაზმა სიკვდილის შესახებ ინფორმაცია აქვს დაზვერვის სამსახურსაც.

ოსამა ბინ ლადენი ამერიკულმა სპეცსამსახურებმა სპეცოპერაციის დროს 2011 წელს პაკისტანში მოკლეს. ბინ ლადენის ნებართვით 2001 წლის 11 სექტემბრის ტერაქტი დაიგეგმა, რომელსაც სამი ათასზე მეტი ადამიანი ემსხვერპლა. როგორც ოსამა ბინ ლადენის მოპოვებული წერილებიდან ჩანს, ჰამზა მისი საყვარელი შვილი იყო და ალ-ქაიდა მომავალ ლიდერად სწორედ მას განიხილავდა.

ჰამზა ბინ ლადენი ტერორისტების გლობალური სიაში ორი წლის წინ შეიყვანეს. სახელმწიფო დეპარტამენტი ამბობს, რომ ის დაქორწინდა მოჰამედ ატეს შვილზე. მოჰამედ ატემ 2001 წელს ოთხიდან ერთ-ერთი კომერციული თვითმფრინავი გაიტაცა, რომელიც შემდეგ ნიუ-იორკში, მსოფლიო სავაჭრო ცენტრს შეაჯახა.