აშშ-მ ალ-ქაიდას მოკლული ლიდერის, ოსამა ბინ ლადენის შვილზე ინფორმაციისთვის ჯილდოდ მილიოდოლარს აწესებს. როგორც ოფიციალური პირები ამბობენ, ჰამზა ბინ ლადენი მამის სიკვდილის შემდეგ ტერორისტული დაჯგუფების ლიდერი გახდა. თავის ვიდეო და აუდიომიმართვებში ის აშშ-ს არაერთხელ დამუქრებია.

ოსამა ბინ ლადენი ამერიკულმა სპეცსამსახურებმა სპეცოპერაციის დროს 2011 წელს პაკისტანში მოკლეს. ბინ ლადენის ნებართვით 2001 წლის 11 სექტემბრის ტერაქტი დაიგეგმა, რომელსაც სამი ათასზე მეტი ადამიანი ემსხვერპლა. როგორც ოსამა ბინ ლადენის მოპოვებული წერილებიდან ჩანს, ჰამზა მისი საყვარელი შვილი იყო და ალ-ქაიდან მომავალ ლიდერად სწორედ მას განიხილავდა.

ჰამზა ბინ ლადენი, რომელიც, სავარაუდოდ, 30 წლისაა ტერორისტების გლობალური სიაში ორი წლის წინ შეიყვანეს. სახელმწიფო დეპარტამენტი ამბობს, რომ ის დაქორწინდა მოჰამედ ატეს შვილზე. მოჰამედ ატემ 2001 წელს ოთხიდან ერთ-ერთი კომერციული თვითმფრინავი გაიტაცა, რომელიც შემდეგ ნიუ-იორკში, მსოფლიო სავაჭრო ცენტრს შეაჯახა.