იუსტიციის უმაღლესი საბჭოს წევრს, ირაკლი შენგელიას მიაჩნია, რომ უზენაესი სასამართლოს მოსამართლეობის კანდიდატთან, ლევან თევზაძესთან გასაუბრებაში მონაწილეობს. იმის მიუხედავად, რომ შენგელია თევზაძის ცოლის ძმაა, საბჭოს წევრს მიაჩნია, რომ პროცესში მონაწილეობით კანონს არ არღვევს. ამის შესახებ მას საბჭოს არამოსამართლე წევრმა, ნაზი ჯანეზაშვილმა ჰკითხა.

ნაზი ჯანეზაშვილი: თქვენ იღებთ გასაუბრებაში მონაწილეობას? თქვენი მეუღლის ძმაა თევზაძე.

ირაკლი შენგელია: კანონს არ ვარღვევ, ამის შესახებ არაერთხელ განვმარტე. დამისაბუთეთ ნორმა, რომელსაც ვარღვევ, ვერ დამისაბუთებთ.

ნაზი ჯანეზაშვილი: ინტერესთა კონფლიქტია, წაიკითხეთ კანონმდებლობა. ორგანულ კანონს არღვევთ და უნდა აიცილოთ.

დისკუსიაში იუსტიციის უმაღლესი საბჭოს მდივნის მოვალეობის შემსრულებელი, დიმიტრი გვრიტიშვილი ჩაერთო. მან ანა დოლიძეზე და ნაზი ჯანეზაშვილს ჰკითხა, სად იყვნენ მაშინ, როცა პარლამენტის ყოფილი თავმჯდომარე, დავით უსუფაშვილი თავდაცვის ყოფილ მინისტრს, თინა ხიდაშელს ნდობას უცხადებდა.

"[მაშინ] რამე განაცხადეთ? ცოლ-ქმარი არ იყვნენ? შერჩევითია თქვენი მიდგომა", — თქვა გვრიტიშვილმა, რაზეც ჯანეზაშვილმა უპასუხა, რომ ეს არაფერ შუაშია.