3-13 სექტემბერს წინანდლის ისტორიული მამული კლასიკური მუსიკის საერთაშორისო ფესტივალს უკვე მერვედ მასპინძლობს.

ფესტივალი წლების განმავლობაში წინანდლის მამულის კულტურული ცხოვრების განუყოფელ ნაწილად იქცა და ყოველწლიურად მსოფლიოში აღიარებულ მუსიკოსებს, ახალგაზრდა შემსრულებლებსა და კლასიკური მუსიკის მოყვარულებს სხვადასხვა ქვეყნიდან აერთიანებს.

ფესტივალის განმავლობაში Silk Hospitality-ისა და სასტუმრო წინანდლის მამულის გუნდი სტუმრებისთვის განსაკუთრებული გარემოს შექმნაზე ზრუნავს როგორც საკონცერტო და სასტუმრო სივრცეებში, ასევე მამულის მთელ ტერიტორიაზე.

სოფო ბათილაშვილი

სოფო ბათილაშვილი

მერვე სეზონის პროგრამაში მონაწილეობენ მსოფლიოში აღიარებული მუსიკოსები, მათ შორის ლიზა ბათიაშვილი, სერგეი ბაბაიანი, მარკმანდრე ჰამელინი, ალექსანდრე მალოფეევი, ანიტა რაჭველიშვილი, კიან სოლტანი, პინქას ცუკერმანი და სხვები.

წინანდლის მამული კლასიკური მუსიკის საერთაშორისო ფესტივალი

წინანდლის მამული კლასიკური მუსიკის საერთაშორისო ფესტივალი

პროგრამის მნიშვნელოვანი ნაწილია პანკავკასიური ახალგაზრდული ორკესტრი, რომელიც ოთხ კონცერტს გამართავს რაფაელ პაიარეს, ნიკოლაი შეპს ცნაიდერისა და ფესტივალის მუსიკალური დირექტორის, ჯანანდრეა ნოზედას ხელმძღვანელობით.

წლევანდელ სეზონში მონაწილეობენ ქართველი მუსიკოსებიც, მათ შორის გიორგი გიგაშვილი და გიორგი მარდალეიშვილი. ფესტივალს შეუერთდება თბილისის ოპერისა და ბალეტის გუნდი, სცენა კი ტრადიციულად დაეთმობა ნაციონალურ ბალეტ „სუხიშვილებს“.

განსხვავებული ფორმატით იქნება წარმოდგენილი ჟორჟ ბიზეს „კარმენის ტრაგედია“ ანიტა რაჭველიშვილის, ნიკა ლაგვილავას, მიხეილ შეშაბერიძისა და ანა ფალავანდიშვილის მონაწილეობით. წარმოდგენის რეჟისორია დმიტრი კრიმოვი, დირიჟორი ილია ინაიშვილი.

წინანდალი ფესტივალი

წინანდალი ფესტივალი

დავით რაფავა, სილქ ჰოსფითალითის აღმასრულებელი დირექტორი: „წინანდლის ფესტივალი იმ კულტურული და შემეცნებითი ცხოვრების ნაწილია, რომელსაც წინანდლის მამული წელიწადის ოთხივე სეზონზე ქმნის და მასპინძლობს.მთელი წლის განმავლობაში წინანდლის მამულში იმართება მნიშვნელოვანი მუსიკალური და კულტურული ღონისძიებები, ფესტივალები, გამოფენები და სხვადასხვა შემეცნებითი პროექტი.სილქ ჰოსფითალითისა და სასტუმრო წინანდლის მამულის მიზანია, სტუმრებს შესთავაზოს სივრცე, სადაც დასვენება, კულტურა, მუსიკა და ახალი გამოცდილებები ერთმანეთთან ორგანულად არის დაკავშირებული.”