უმაღლესი სასწავლებლის დამთავრება ყველა ადამიანის ცხოვრებაში ერთ-ერთი ყველაზე მნიშვნელოვანი მომენტია. ეს არის დღე, როდესაც უამრავ მოლოცვას, კარგ სურვილებსა და ტაშს იმსახურებ.

აუტისტური სპექტრის მქონე ჯეკ ჰიგენსი უკვე ნიუ-იორკის ერთ-ერთი უნივერსიტეტის კურსდამთავრებულია, რომელიც იმ ათასობით სტუდენტ შორისაა, რომელმაც განათლების მიღების საფეხურზე წარმატებულად წაიწია წინ.

სოციალურ მედიაში კი ჯეკის ცხოვრების ყველაზე ამაღელვებელი მომენტის ამსახველი კადრები გავრცელდა — ემოციურ ვიდეოში ჩანს, თუ როგორ უკრავენ ბიჭს ტაშს უხმოდ.

საქმე ის არის, რომ ჯეკი ძალიან მგრძნობიარეა ხმაურის მიმართ, სწორედ ამიტომ, როდესაც ის უნივერსიტეტის დამამთავრებელ ცერემონიალზე გამოჩნდა, ყურებზე ხელს იფარებდა.

"ჩვენ გვინდოდა, რომ ჯეკი დამამთავრებელ ცერემონიალს დასწრებოდა, რადგან, ვიცოდით, რომ ეს მისი ცხოვრების ერთ-ერთი ყველაზე მნიშვნელოვანი გამოცდილება იქნებოდა", — ამბობენ კურსდამთავრებული ბიჭის მშობლები.