ეგვიპტის გადაყენებული პრეზიდენტი და მუსლიმთა საძმოს ლიდერი მუჰამედ მურსი 67 წლის ასაკში სასამართლო პროცესზე გარდაიცვალა, სადაც მას ჯაშუშობის საქმეს ედავებოდნენ. ჯაშუშობის გარდა მუჰამედ მურსის პალესტინის დაჯგუფება ჰამასთან და ლიბანურ ჰეზბოლასთან კავშირში ედებოდა ბრალი ედებოდა.

ინფორმაციას სახელმწიფო მედიაზე დაყრდნობით BBC ავრცელებს. მათივე თქმით, მურსი სავარაუდოდ ინფარქტით გარდაიცავალა.

მუჰამედ მურსი ეგვიპტის პირველი პრეზიდენტია, რომელიც ე.წ. არაბული გაზაფხულისა და ჰოსნი მუბარაქის დამხობის შემდეგ 2012 წელს დემოკრატიული არჩევნების გზით აირჩიეს. 2013 წელს სამხედროებმა მურსი ძალაუფლებას ჩამოაშორეს. მისი ადგილი აბდულ-ფათაჰ ალ-სისიმ დაიკავა, რომელმაც მუსლიმთა საძმო ტერორისტულ ორგანიზაციას გამოაცხადა.

პრეზიდენტობის დროს აქციის მონაწილეების დაკავებისა და წამების ბრძანების გაცემისთვის მუჰამედ მურსის 2015 წელს 20-წლიანი პატიმრობა მიუსაჯეს.