ოდესმე გიფიქრიათ, როგორ განაგრძობენ ცხოვრებას სუპერპოპულარული სერიალის Friends-ის პერსონაჟები 25 წლის შემდეგ? ამ კითხვას 6 მეგობარზე შეყვარებული მაყურებელი ალბათ ხშირად უსვამს თავს.

ნოსტალგიით შეპყრობილი ფანების დასამშვიდებლად, ჯენიფერ ენისტონი მთელი ივნისია მხოლოდ მეგობრებზე საუბრობს. ამჯერად მან თქვა, რომ როსი და რეიჩელი 25 წლის შემდეგაც კი არ დაშორდებოდნენ ერთმანეთს.

"დიახ, აუცილებლად!", — ასე უპასუხა ჯენიფერ ენისტონმა NBC-ის გადაცემა თუდეის ჟურალისტს, როდესაც მან ჰკითხა, კვლავ ერთად იქნებოდნენ თუ არა მის მიერ განსახიერებული რეიჩელ გრინი და როს გელერი (დევიდ შვიმერი).

კი მაგრამ, რა მოუვიდა მათ შვილს?

"ემა გაიზარდა... სკოლაში სწავლობს, ჩავთვალოთ რომ მე-10 კლასშია", — თქვა ენისტონმა.

სიტკომის ფანები სერიალის განახლებას ითხოვენ. როგორც ენისტონმა ელენ დეჯენერესთან გასულ კვირას თქვა, მსახიობები ამისთვის მზად არიან:

"იცი რას გეტყვი, ამისთვის მზად ვარ. გოგოებიც მზად არიან და ბიჭებიც. ამაში დარწმუნებული ვარ. ყველაფერი შეიძლება მოხდეს".

თუმცა, მოგვიანებითთ ეს კომენტარი Entertainment Tonight-თან განმარტა:

"როცა "არას" ან "შესაძლოას" ვამბობდი, არ მოსწონდათ, ამიტომ ვცადე და "კი" ვთქვი. ვნახოთ, რა მოხდება. ბოდიში!"