ყაზახეთის ვადამდელ საპრეზიდენტო არჩევნებში მოქმედი პრეზიდენტი ყასიმ-ჟომარტ ტოყაევი იმარჯვებს. წინასწარი მონაცემებით, ტოყაევმა 70,67 პროცენტი მოიპოვა. ტოყაევის შემდეგ ხმების 16,02 პროცენტით მეორე ადგილზე გადის ოპოზიციონერი კანდიდატი, ამირჟან კოსანოვი.

ვადამდელი საპრეზიდენტო არჩევნები მას შემდეგ დაინიშნა, რაც 30-წლიანი მმართველობის შემდეგ ნურსულთან ნაზარბაევმა პოსტი დატოვა. მან ახალ პრეზიდენტად სენატის სპიკერის, ყასიმ-ჟომარტ ტოყაევის დანიშვნა შესთავაზა. სენატის სპიკერის თანამდებობა კი ნაზარბაევის უფროსმა შვილმა, დარიგა ნაზარბაევამ დაიკავა.

ტოყაევი საპრეზიდენტო კანდიდატად პარტია ნურ ოსტანმა წარადგინა, რომლის ლიდერიც ნაზარბაევია. წინასწარი მონაცემებით, ამომრჩეველთა აქტივობამ 77,4 პროცენტი შეადგინა.

საპრეზიდენტო არჩევნები საპროტესტო ფონზე მიმდინარეობდა. BBC-ის ინფორმაციით, არასანქცირებული მიტინგის გამო 500-მდე ადამიანი დააკავეს. საპროტესტო აქციის მონაწილეები ამბობდნენ, რომ არჩევნები უსამართლო და არადემოკრატიულია, ხოლო შედეგი წინასწარი განსაზღვრულია. დაკავებულებს შორის იყვნენ ჟურნალისტებიც, მათ შორის ფრანს პრესის ბრიტანელი ჟურნალისტი, კრის რიკლტონი. ჟურნალისტის თქმით, ის თავისი საქმინოაბის გამო დააკავეს.