ხორავას ქუჩაზე მოკლულის დავით სარალიძის მამა, ზაზა სარალიძე ფიქრობს, რომ შინაგან საქმეთა მინისტრს, გიორგი გახარიას მისი ეშინია. მისი თქმით, ხელისუფლებიდან მასთან დალაპარაკება მხოლოდ ყოფილმა პრემიერ-მინისტრმა, გიორგი კვირიკაშვილმა ისურვა, რის გამოც მადლობას უხდის. ზაზა სარალიძის განცხადებით, ძალიან ცუდი საქციელი იყო როდესაც მასთან აქციაზე მისულ გიორგი კვირიკაშვილს ბოთლები ესროლეს.

მან ასევე თქვა, რომ გიორგი გახარიას მხოლოდ ერთხელ შეხვდა და ეს კვირიკაშვილის კაბინეტში მოხდა.

"კვირიკაშვილს როცა შევხვდი, იქ იმყოფებოდა ბატონი თადუმაძე და ბატონი გახარია. აი, ზუსტად მაშინ იყო გახარიამ თითი რომ დამიქნია მაცადე ლაპარაკიო. მე თვითონ მაცადე ლაპარაკი-მეთქი. მე აქ მოვედი ადამიანურად სალაპარაკოდ, და არა იმის, რომ თქვენ რომ მინისტრები ხართ და მე რომ გლეხი ვარ. თუ მომისმენთ, მომისმენთ, თუ არა და კარგად იყავით, არაფერი მაქვს სალაპარაკო-მეთქი. რა ვქნა, ვიგრძენი იმ ხალხიდან, რომ ზემოდან მიყურებდა. გლეხს ორი რამე აქვს გლეხი და შვილი მას თუ წაართმევ ის არ დაგინდობს. მის მერე მე არც მინახია თვალით გახარია, ალბათ ეშინია ჩემი შეხვედრის", —განაცხადა ზაზა სარალიძემ.