კასპის მუნიციპალიტეტის სოფელ ხიდისყურში თავისი სახლის ეზოში კაცი მოკლეს, მისი ცოლი კი დაჭრეს. დაჭრილი ქალი საავადმყოფოშია გადაყვანილი. შინაგან საქმეთა სამინისტროში On.ge-ს უთხრეს, რომ დანაშაულში ბრალდებული პირი იდენტიფიცირებულია და მის დასაკავებლად შესაბამისი ღონისძიებები მიმდინარეობს.

მომხდარზე გამოძიება სისხლის სამართლის კოდექსის 108-ე და 19-109-ე მუხლის მესამე ნაწილის "ა" ქვეპუნქტით მიმდინარეობს, რაც განზრახ მკვლელობასა და დამამძიმებელ გარემოებაში ორი ან მეტი პირის მიმართ ჩადენილ განზრახ მკვლელობის მცდელობას გულისხმობს. ბრალის დამტკიცების შემთხვევაში მას 16-დან 20 წლამდე ან უვადო პატიმრობა ემუქრება.