ავლაბარში მანქანა ქვეითად მოსიარულე ქალს დაეჯახა. შემთხვევა ბარათაშვილის აღმართზე მოხდა. ის დაჯახების შედეგად გარდაიცვალა. ინფორმაცია On.ge-ს შინაგან საქმეთა სამინისტროში დაუდასტურეს.

უწყების ცნობით, მომხდარზე გამოძიება სისხლის სამართლის კოდექსის 276-ე მუხლის მეექვსე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

შესწორება: ნიუსის თავდაპირველ ვერსიაში ეწერა, რომ შემთხვევა ზებრა გადასასვლელზე მოხდა, რაც სიმართლეს არ შეესაბამება.