ყოველ აღდგომის დღესასწაულზე ადამიანთა ერთი ჯგუფი სვამს კითხვას, როგორ ჩამოიტანეს იერუსალიმიდან საქართველოში ცეცხლი თვითმფრინავით მაშინ, როცა ყველა მგზავრს საზღვარზე ატოვებინებენ აალებად ნივთებს. მორწმუნეების ნაწილს სჯერა, რომ "წმინდა ცეცხლი" არ წვავს და უსაფრთხოა.

რეისს, რომლითაც ისრაელიდან თბილისში ცეცხლი ჩამოაქვთ ჯორჯიან ეარვეისის თვითმფრინავი ასრულებს. პროცედურასთან დაკავშირებით, On.ge კომპანიას დაუკავშირდა.

კომპანიაში ამბობენ, რომ ერთი ქვეყნიდან მეორეში ცეცხლის წასაღებად სპეციალური ნებართვაა საჭირო. ნებართვას ის ქვეყანა გასცემს, რომლიდანაც მგზავრი მოფრინავს.

კითხვაზე, სანთელზე მოკიდებული ცეცხლით მგზავრობა არის თუ არა სახიფათო, ჯორჯიან ეარვეისში ასე პასუხობენ:

"არა, რა თქმა უნდა, სახიფათო რომ იყოს, არ მოხდებოდა ამის ტრანსპორტირება... [არ ქრება და ანთებული ჩამოდის საქართველომდე] რა თქმა უნდა".