უსუფაშვილი: ხელისუფლებამ 5-მეგავატიანი ჰესის გამო 5000-მეგავატიანი პრობლემა შეუქმნა ქვეყანას
![](http://chandler.on.ge/2019/04/22/IMG_2044.jpg)
ფოტო: გვანცა ნემსაძე / On.ge
შენების მოძრაობის ლიდერი დავით უსუფაშვილი აცხადებს, რომ ხელისუფლებამ პანკისი რეგიონში ხუთმეგავატიანი ჰესის გამო, ხუთიათას მეგავატიანი პოლიტიკური პრობლემა შეუქმნა ქვეყანას. მისი თქმით, სპეცოპერაცია არაპროფესიონალურად ჩატარდა და არ არსებობდა არგუმენტი, რომელიც პანკისის მოსახლეობასთან "ბეტეერებისა და სპეცრაზმის ენაზე საუბარს" გაამრთლებდა.
უსუფაშვილი აცხადებს, რომ მომხდარზე პასუხისმგებელი შინაგან საქმეთა სამინისტროა. მისი თქმით, არასწორია იმაზე საუბარი, რომ შსს-მ ეკონომიკის სამინისტროს მოთხოვნით იმოქმედა. მისივე თქმით, პასუხიც იმან უნდა აგოს ვინც არასწორი ნაბიჯი გადადგა.
"გახარია — შს მინისტრი, რომელმაც ძალიან ხშირად არასწორი, მაგრამ ლაპარაკი მაინც იცის, ისაა წინა პლანზე, ამიტომ პასუხიც მან უნდა აგოს. ანუ, რას ნიშნავს თურნავამ უთხრა?! ხვალ განათლების მინისტრმა რომ უთხრას ჭიდაობის დარბაზში პრობლემააო, ბეტეერს შეიყვანს დარბაზში?! სპეცრაზმის გამოყენებაზე პასუხისმგებლობა ეკისრება იმას, ვისაც თავის დროზე ბრძანების გაცემის უფლება აქვს", — აცხადებს ის.
უსუფაშვილი ამბობს იმასაც, რომ მინისტრების მოქმედებაზე პასუხისმებელი პრემიერ-მინისტრია, თუმცა ის პანკისში მიმდინარე მოვლენებს არ გამოეხმაურა, მთავრობის ადმინისტრაციამ კი განცხადება ყველაზე ბოლოს გაავრცელა.
დაპირისპირება პანკისი ხეობაში
21 აპრილის დილას პანკისის ხეობაში, სოფელ ბირკიანში აქციის მონაწილეებსა და პოლიციას შორის დაპირისპირება მოხდა. ადგილობრივებმა მდინარე ალაზანზე მშენებარე ჰესზე ტექნიკის შესვლა გააპროტესტეს, რასაც იქ მობილიზებულ პოლიციასთან დაპირისპირება მოყვა. როგორც შინაგან საქმეთა სამინისტროში განმარტეს, დილას სოფელში პოლიცია ეკონომიკის სამინისტროს მიმართვის საფუძველზე შეიყვანეს, სპეცდანიშნულების რაზმები კი დაპირისპირების გამო დაამატეს.
ჰესების საკითხზე სალაპარაკოდ თელავში მთავრობისა და ადგილორივების წარმომადგენლებს შორის შეხვედრა გაიმართა, თუმცა პარალელურად პანკისში ვითარება დაიძაბა. სპეცრაზმმა აქციის მონაწილეების წინააღმდეგ ორჯერ ცრემლსადენი გაზი და რეზინის ტყვიები გამოიყენა. ადგილობრივებმა კი პოლიციას ქვები და ხელკეტები დაუშინეს. შსს-ს განცახდებით, შედეგად დაშავდა 55 ადამიანი, მათ შორის 38 სამართალდამცავი.
რამდენიმე საათში შემთხვევის ადგილას მთავრობის წარმომადგენლები ჩავიდნენ. შინაგან საქმეთა მინისტრმა, გიორგი გახარიამ თემის უხუცესებთან შეხვედრის შემდეგ განაცხადა, რომ ჰესი მანამ არ აშენდება, სანამ მოსახლეობის 90%-ს არ ექნება ამის სურვილი.
მთავრობის ადმინისტრაციამ დაპირისპირების შემდეგ განცხადება გაავრცელა, რომელშიც ჰესების სარგებლიანობაზე ისაუბრეს. მათი თქმით, საჭირო იყო ამ ინფორმაციის ადგილობრივებისთვის მიწოდება.
ჰესები პანკისის ხეობაში
ბოლო წლებში, პანკისის ხეობაში ორი ჰესი "ხადორი 1" და "ხადორი 2" აშენდა. ნებართვა გაცემულია მესამე ჰესზეც "ხადორი 3"-ის მშენებლობაზე, რაც მოგვიანებით ადამიანის უფლებების სწავლებისა და მონიტორინგის ცენტრმა (EMC) პანკისის ხეობის მოსახლეობის სახელით სასამართლოში გაასაჩივრა. განსახილველი სხდომა ჯერ კიდევ არ ჩანიშნულა.
სარჩელით ითხოვენ შპს ალაზანი ენერჯის მიერ ჰიდროელექტროსადგურ ხადორი 3-ის მშენებლობისთვის გაცემული ნაბართვის ბათილად ცნობას.
პანკისის ხეობის მაცხოვრებლები აცხადებენ, რომ ჰიდროელექტროსადგურის მშენებლობის შემთხვევაში მათი სასმელი და სარწყავი წყალი, რომელსაც მდინარე ალაზნიდან იღებენ, საფრთხის ქვეშ დადგება. ისინი შიშობენ, რომ ჰესის მშენებლობის პირობებში მათ შორის საფრთხე შეექმნება ბაწარა-ბაბანეულის ნაკრძალს, რომელიც ადგილობრივი ეკოსისტემის განსაკუთრებული ღირშესანიშნაობაა.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები