CNN-ის ცნობით, პრეზიდენტმა დონალდ ტრამპმა ჟურნალისტებს განუცხადა, რომ ისრაელსა და ირანს შორის კონფლიქტში მხოლოდ ცეცხლის შეწყვეტა საკმარისი არ არის — საჭიროა "ნამდვილი დასასრული".

"დასასრული. ნამდვილი დასასრული, არა უბრალოდ ცეცხლის შეწყვეტა. დასასრული. ან სრულად დანებება — ეგეც მისაღებია", — განაცხადა ტრამპმა.

მისი თქმით, მომდევნო 48 საათში უფრო გამოჩნდება, გაამწვავებს თუ არა ისრაელი იერიშებს ირანზე: "ჯერ არავინ შენელებულა".

სამშაბათს ტრამპი ეროვნულ უსაფრთხოების ჯგუფს შეხვდება Situation Room-ში.

კითხვაზე, გაანადგურებს თუ არა აშშ-ის ჩარევა ირანის ბირთვულ პროგრამას, ტრამპმა უპასუხა: "იმედია, მათი პროგრამა მანამდე განადგურდება. მათ არ ექნებათ ბირთვული იარაღი".

თეირანის ევაკუაციის შესახებ მოწოდება, ტრამპის თქმით, კონკრეტულ მუქარას არ უკავშირდებოდა, არამედ უბრალოდ უსაფრთხოებაზე ზრუნვას: "მინდა ხალხი უსაფრთხოდ იყოს".

აშშ-ის სამხედროებზე ან ობიექტებზე თავდასხმის შემთხვევაზე ტრამპმა თქვა: "ისინი არ უნდა შეეხონ ჩვენს ჯარს. თუ შეეხებიან, ისე ძლიერად დავსჯით, რომ… ვფიქრობ, ეს იციან".

ამასთან, პრეზიდენტმა არ გამორიცხა, რომ ირანში მოლაპარაკებაზე ვიცე-პრეზიდენტ ჯეი დი ვენსი და სტივ უიტკოფი გაგზავნოს: "შეიძლება, გააჩნია რას ვიხილავ, როცა დავბრუნდები".