არდადეგები დაგეწყო და არ იცი ზაფხულის განწყობა როგორ შეიქმნა? მაშინ ეს სია შენთვისაა შექმნილი. არ აქვს მნიშვნელობა, კომედიის ფანი ხარ თუ ჰორორის — ჩვენ შეგირჩიეთ 5 ფილმი, რომელიც ახლახანს დაემატა ნეტფლიქსზე და ყველას მოგეწონებათ:

1. Bee Movie (ფუტკრების ფილმი)

შენ არ ხართ ერთადერთი, ვინც ზაფხულს იმ სასიამოვნო ანიმაციურ ფილმებთან აკავშირებს, ბავშვობაში რომ უყურებდა ხოლმე. თუ მსგავს ფილმს ეძებ, შეგიძლია კომფორტულად მოკალათდე და საყვარელ და სასაცილო Bee Movie-ის უყურო, რომელიც ნეტფლიქსს ამ თვეში დაემატა. როცა ფუტკარი ბარი კოლეჯს დაამთავრებს და გადაწყვეტს, რომ თაფლის წარმოებაზე აღარ იმუშავოს, ის ტოვებს სკას და ადამიანს უმეგობრდება — ფუტკრების სამყაროში უდიდესი ცოდვა! ის იგებს, რომ ადამიანები თურმე საუკუნეებია იპარავენ და სარგებლობენ ფუტკრების დამზადებული თაფლით. ეს აღმოჩენა კი ბარის თავისი ცხოვრების ნამდვილ მიზანს აპოვნინებს — ფუტკრების საზოგადოებისთვის სამართლიანობის უზრუნველყოფა.

2. The Great Outdoors (დიდი ბუნება)

ეს 1998 წლის კლასიკა იდეალური ფილმია მეგობრებთან და ოჯახთან ერთად საყურებლად. როცა ჩიკაგოელი ოჯახი საზაფხულო არდადეგების გასატარებლად ტბისპირა აგარაკისკენ მიემართება, მათ მშვიდ დასვენებას მოულოდნელად ცოლისძმის ოჯახი არღვევს. ის, რაც მხიარული არდადეგებით იწყება, ოჯახებს შორის ომს აჩაღებს. ყველაფერი კი — მათი მოსაგვარებელია.

3. Neighbors (მეზობლები)

ზაკ ეფრონისა და სეთ როგენის მონაწილეობით, კომედია გვიყვება ახალგაზრდა წყვილზე, რომლის მეზობლადაც ე. წ. Fraternity House (სტუდენტური საძმო) იწყებს ცხოვრებას. ცოლ-ქმარს ერთი პატარა პრობლემა აქვს: ახლახანს შეეძინათ შვილი და ასეთ გარემოში ცხოვრება მათთვის შეუძლებელია. როცა ხმაური, წვეულებები და მეზობლების შემაწუხებელი ქცევები ყელში ამოუვათ, ყველაფერი კონტროლს კარგავს. გპირდებით, რომ ამ ფილმის ყურების 90 წუთის განმავლობაში სიცილს ვერ შეწყვეტთ.

4. Us (ჩვენ)

ჰორორების ფანებმა შეიძლება არ დაიჯერონ, რომ მათთვის საზაფხულო ფილმი არსებობს, მაგრამ ეს სიმართლეა — ზაფხულის არდადეგები საუკეთესო დროა შემაძრწუნებელი სიუჟეტებისთვის. ჩვენ გვიყვება ოთხკაციან ოჯახზე, რომელიც თავისი საზაფხულო არდადეგების გასატარებლად იზოლირებულ კაბინაში მიდის. საუბედუროდ, უდიდესი შიშები მართლდება, როცა ოთხი შენიღბული ადამიანი — თითოეული მათგანის იდენტური — მათი სახლისთვის წრეების დარტყმას იწყებს, საბოლოოდ ამ სახლში ამწყვდევს და გადარჩენისთვის ბრძოლის გარდა სხვა გზას არ უტოვებს. ჯორდან პილის მიერ გადაღებულ საზაფხულო ჰორორს დაძაბულობისგან თვალსაც ვერ მოსწყვეტთ.

5. Boys on the Side (ბიჭები გვერდით)

ეს 1995 წლის დრამა, რომელშიც ვუპი გოლდბერგი, დრიუ ბერიმორი და მერი-ლუიზ პარკერი მონაწილეობენ, მოგვითხრობს 3 ახალგაცნობილ მეგობარზე, რომლებიც ნიუ-იორკიდან ლოს ანჯელესში მიემგზავრებიან.

ყველა მეგობარს თან მიაქვს საკუთარი პრობლემები, რომელთა გადაჭრასაც მხოლოდ ერთმანეთის დახმარებით შეძლებენ. ეს ფილმი ძალიან ბევრს გაცინებთ და გატირებთ, და შესაძლოა საკუთარ მეგობრებთან მეტი დროის გატარებაც მოგანდომოთ.