რუსეთში ერეკლე გეწაძის წინააღმდეგ რუსეთის სახელმწიფო სიმბოლიკის შეურაცხყოფისთვის, სისხლის სამართლის საქმე აღიძრა — ამის შესახებ რუსული მედია RT გვატყობინებს.

მედიის განცხადებით, მათ ეს ინფორმაცია რუსეთის მამათა საბჭოს თავმჯდომარემ, ანდრეი ზგონნიკოვმა დაუდასტურა. რუსეთის შინაგან საქმეთა სამინისტროს ქართველი არტისტის პერფორმანსთან დაკავშირებით ანდრეი ზგონნიკოვმა მიმართა.

24 მაისს, Tbilisi Open Air-ის სცენაზე მუსიკოსმა ერეკლე გეწაძემ პერფორმანსისას რუსეთის დროშაზე მოშარდვის იმიტაცია გააკეთა. 25 მაისს, რუსეთის საგარეო საქმეთა სამინისტროს ოფიციალური წარმომადგენელი, მარია ზახაროვა მუსიკოს ერეკლე გეწაძის Tbilisi Open Air-ის პერფორმანსს ტელეგრამ-არხზე გამოეხმაურა და განაცხადა, რომ "ჩვენი ქვეყნის [რუსეთის] სამართალდამცავი ორგანოები ამ აღმაშფოთებელ ქმედებაზე სათანადო რეაგირებას მოახდენენ".

"პირველ რიგში, დროშა დროშად დარჩება, რაც არ უნდა უქნას მას ფსიქოპატმა.

მეორეც, ჩვენი ქვეყნის სამართალდამცავი ორგანოები ამ აღმაშფოთებელ ქმედებას სათანადო შეფასებას მისცემენ. [...]

ეს ყველაფერი არ არის. ამის შემდეგ მუსიკოსს შეურაცხმყოფელ და არაკორექტულ კონტექსტში მოიხსენიებს და წერს, რომ "როდესაც ღმერთმა ადამიანს ტვინი არ მისცა, მას სხვა ორგანოებთან უწევს მუშაობა. […] რას არ გააკეთებს უტვინო ადამიანი თვითკმაყოფილებისთვის", — დაწერა ხაზაროვამ.

ცნობისთვის, რუსეთის ფედერაციაში სახელმწიფო დროშის შეურაცხყოფა სისხლის სამართლის საქმეა და თავისუფლების ერთ წლამდე აღკვეთით ისჯება.