თვეზე მეტია, აგროსფერომ 20 წლის იუბილესთან დაკავშირებით წამახალისებელი გათამაშება წამოიწყო, რომელიც მომხმარებლებს შანსს აძლევს მოიგონ ერთი ან რამდენიმე პრიზი 250-ზე მეტი პროდუქტიდან. გათამაშებას ამ დრომდე უკვე 100-ზე მეტი გამარჯვებული ჰყავს, რომლებმაც სხვადასხვა დანიშნულების სასოფლო-სამეურნეო დანადგარები, აგროხელსაწყოები, საწარმოო ინვენტარი და აგროტექნიკა მოიგეს.

გამარჯვებულთა შორისაა ბაგრატ ყრუაშვილი, რომელიც კახეთის სოფელ სანავარდოში ვაზის მოვლა-მოყვანით არის დაკავებული. აგროსფეროს მაღაზიაში Bayer-ის მცენარეთა დაცვის საშუალებების შესაძენად მივიდა, ორი ბილეთიც ერგო და 4000 ლარზე მეტი ღირებულების PELLENC-ის პროფესიონალური ვაზის ელექტრო დამაკავებელი – FIXION 2 მოიგო.

კიდევ ერთი იღბლიანი მომხმარებელი გიორგი ციციშვილი აღმოჩნდა. ის გათამაშების ერთ-ერთი გამორჩეული პრიზის, მოტობლოკის მფლობელი გახდა. “შეძენილი პროდუქტის სანაცვლოდ სამი ბილეთი მერგო, გადავფხიკე და მოტობლოკი მოვიგე. ეს აგრეგატი განსაკუთრებით გამიხარდა, რადგან ყოველთვის მჭირდებოდა და მეგობრს ვთხოვდი ხოლმე“, — ამბობს ის.

გიორგი ციციშვილს სოფელ არაშენდაში ატმის ბაღი აქვს გაშენებული. როგორც თავად აღნიშნავს, ნერგების სიახლოვეს მიწის დამუშავება დიდი ტრაქტორით შეუძლებელია, ამიტომ მოტობლოკი ამ საქმისთვის საუკეთესოა.

საიუბილეო გათამაშების კიდევ ერთი მთავარი პრიზის — 45 ცხენის ძალის ტრაქტორის მფლობელი კი ფერმერი ბესიკ მოდებაძე გახდა. მან თავისი ვაზისა და ხეხილისთვის მცენარეთა დაცვის საშუალებების შესაძენად აგროსფეროს აფენის ფილიალს მიაკითხა, შეძენილი პროდუქციის სანაცვლოდ, ორი ბილეთი ერგო, რომელთაგან ერთ-ერთი მომგებიანი აღმოჩნდა.

აგროსფეროს მაღაზიათა ქსელში სტუმრობა წარმატებული აღმოჩნდა მევენახე თამაზ ილაშვილისთვისაც, რომელმაც ელექტრო სასხლავი მაკრატელი – Pellenc C35 მოიგო.

ფერმერი თავისი ვაზის შესაწამლად აქტიურად მოიხმარს Bayer-ის “მიკალ ფლეშს“. სწორედ მის შესაძენად მიაკითხა აგროსფეროს. საბოლოოდ კი, მაღაზია სასურველი პროდუქციის გარდა, 5000 ლარამდე ღირებულების პროფესიონალური ხელსაწყოებით დასაჩუქრებულმა დატოვა.

თუ გსურთ, თქვენც გახდეთ საიუბილეო გათამაშების პრიზიორი, მაშინ 14 ივლისის ჩათვლით უნდა ეწვიოთ აგროსფეროს თქვენთვის ხელსაყრელ ნებისმიერ ფილიალს. გათამაშებაში ჩასართავად საჭიროა, შეიძინოთ BAYER-ისა და მის მფლობელობაში მყოფი კომპანიის, DEKALB-ის სიმინდის ჰიბრიდები. ყოველ 100 ლარიან შენაძენზე გადმოგეცემათ ერთი ბილეთი, რომელსაც ფილიალშივე განთავსებული გამჭვირვალე კონტეინერიდან ამოიღებთ. ბილეთების გადაფხეკის შემდეგ კი, მომენტალურად შეიტყობთ მოგების შესახებ. პრიზების სრულად სანახავად და დამატებითი დეტალებისთვის ეწვიეთ აგროსფეროს საიუბილეო ვებ-გვერდს.

ითამაშეთ და აღნიშნეთ იუბილე აგროსფეროსთან ერთად!