სამწუხაროა, მაგრამ ფაქტია, რომ ჰელსინკის კომისია გადაიქცა რადიკალების ერთგვარ მხარდამჭერ რუპორად, — ასე გამოეხმაურა ოცნების პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარე გივი მიქანაძე გიორგი ბაჩიაშვილთან დაკავშირებით სენატორ ჯინ შაჰინის განცხადებას.

მისი თქმით, "ნულია ფასი იმ განცხადებების, რომელშიც სიმართლეზე არ არის ორიენტირი".

"სამწუხაროა, მაგრამ ფაქტია, რომ ჰელსინკის კომისია გადაიქცა რადიკალების ერთგვარ მხარდამჭერ რუპორად, რომლებიც არ ინტერესდებიან რეალური ინფორმაციით და მხოლოდ ცდილობენ, დაასხან წყალი იმ წისქვილზე, რომელიც რადიკალების წესრიგს ემსახურება.

საზოგადოება უკვე ძალიან კარგად ხედავს, რომ ისინი მიკერძოებული არიან და მათი მიზნები სცდება იმ რეალობას, რომელიც საქართველოშია და მოვლენების არასწორ ინტერპრეტაციას უწყობს ხელს.

…ნულია ფასი იმ განცხადებების, რომელშიც სიმართლეზე არ არის ორიენტირი, რომელშიც არ ხდება იმ სამართლიანობის და იმ რეალობის აღქმა, რაც ქვეყანაშია შექმნილი", — განაცხადა მიქანაძემ.