სახალხო დამცველი ანგარიშის მიხედვით, წინა წელთან შედარებით დაკავების შემდეგ მიღებული დაზიანებების მაჩვენებელი ორჯერ არის გაზრდილი. შინაგან საქმეთა სამინისტროს სტატისტიკით, 2017 წელს დაკავების შემდეგ სხეულის დაზიანების მიღების 65 შემთხვევა გამოვლინდა, ხოლო 2018 წელს — 116 შემთხვევა.

ომბუდსმენის ანგარიშის თანახმად, ქვეყნის მასშტაბით 2018 წელს დაკავების შემდეგ სხეულის დაზიანების მიღების შემთხვევების 40 პროცენტი აჭარაში დაფიქსირდა. დოკუმენტში აღნიშნულია, რომ ბათუმის დროებითი მოთავსების იზოლატორში დაკავების შემდეგ დაზიანებების მიღების 47 შემთხვევა იყო მაშინ, როცა იმავე ბათუმის იზოლატორში 2017 წელს მხოლოდ 5 შემთხვევა დაფიქსირდა. ამავე დროს, ომბუდსმენი აღნიშნავს, რომ სხვა რეგიონებში მაჩვენებელი არ გაზრდილა და, პირიქით, ზოგიერთ რეგიონში შემცირდა.

"შესაბამისად, ზემოაღნიშნულზე დაყრდნობით ცალსახად შეგვიძლია დავასკვნათ, რომ დაკავებულ პირთა მიმართ პოლიციის მოპყრობა აჭარის რეგიონში მკვეთრად არის გაუარესებული", — აღნიშნულია სახალხო დამცველი ანგარიშში.

ამავე ანგარიშში აღნიშნულია, რომ შსს სტატისტიკის მიხედვით 2018 წელს შემცირებულია პოლიციის მიმართ პრეტენზიის რაოდენობა. როგორც ვკითხულობთწინა წელთან შედარებით, 27 შემთხვევით ნაკლებია დაკავებულთა მიერ პოლიციის მიმართ ფიზიკურ შეურაცხყოფაზე პრეტენზიის მაჩვენებელი.