პოლიტიკოსის პირადი ცხოვრების კადრების გავრცელების ბრალდებით დაკავებულ 4 პირს აღკვეთის ღონისძიება პატიმრობიდან გირაოზე შეეცვალა. თბილისის საქალაქო სასამართლოს გადაწყვეტილებით ისინი 5 000 ლარიანი გირაოს სანაცვლოდ გაათავისუფლეს.

აღკვეთის ღონისძიების შეცვლის შუამდგომლობით სასამართლოს პროკურატურამ მიმართა. საქმის პროკურორის, გიორგი მუკბანიანის განცხადებით, გათავისუფლებულებმა გამოძიებას მიაწოდეს საჭირო ინფორმაცია ვიდეოჩანაწერის უკანონოდ მოპოვებასა და გავრცელებასთან დაკავშირებით.

ბოლო 2 თვის განმავლობაში პოლიტიკოსის პირადი ცხოვრების ამსახველი კადრები სოციალურ ქსელებში სამჯერ გავრცელდა. ბოლო მონაცემებით, ატვირთვისა და გავრცელებისთვის ბრალი 19 პირს აქვს წაყენებული.