The New Yorker-ში გამოქვეყნებულ ოპ-ედში GOT-ის ვარსკვლავმა პირველად ისაუბრა, რომ რამდენიმე წლის წინ თავის ტვინზე ორი ურთულესი ოპერაცია გაიკეთა. მსახიობს ანევრიზმები ამოაჭრეს.

ამავე ოპ-ედში მსახიობი იხსენებდა თუ როგორ დაამტკიცეს ის როლზე.

"HBO-დან დამირეკეს და მითხრეს, რომ ლოს-ანჯელესში უნდა ჩავსულიყავი. მათ ბიზნეს-კლასით ფრენა შემომთავაზეს. როდესაც გასაუბრებიდან გამოვდიოდი, მომილოცეს და მითხრეს, რომ როლზე დამამტკიცეს", — ამბობს მსახიობი.

აქვე იხსენებს იმასაც, რომ პირველი რაც როლის მიღების შემდეგ გააკეთა იყო ის, რომ საკულტო სერიალ Friends-ს უყურა.

"როდესაც როლი მივიღე და სასტუმროში დავბრუნდი, გართობის ნაცვლად, ჩემს ოთახში შევედი მეგობრების ყურება დავიწყე და ორეოების ჭამით გული ვიჯერე", — ყვება ემილია.

დეინერის ტარგარიენის როლის შემსრულებელი იხსენებს იმასაც, თუ რა მოხდა მას შემდეგ რაც GOT-ის პრემიერა შედგა.

"პირველი სეზონის შედეგები წარმოუდგენელი იყო. ჩემმა მეგობარმა დამირეკა და მახარა, რომ IMDB-ს რეიტინგში ყველაზე მოძებნადი მსახიობების სიაში პირველი ვიყავი", — ამბობს კლარკი.

ემილია კლარკი ოპ-ედში წერს იხსენებს იმასაც, თუ როგორ გაუჭირდა პრეს ტურებზე სიარული ურთულესი ოპერაციის შემდეგ.

"ოპერაციიდან რამდენიმე კვირის შემდეგ, სხვა მსახიობებთან ერთად სან-დიეგოში Comic-Con-ზე წავედი. იქ ფანები გველოდებოდნენ, მათთვის იმედის გაცრუება კი არ შეიძლება. კითხვა-პასუხის დროს თავი საშინლად მტკიოდა. მალევე გამოვედი კულისებში და მენეჯერს ვუთხარი, რომ თავს ძალიან ცუდად ვგრძნობდი. აღმოჩნდა, რომ MTV-ის ჟურნალისტი უკვე მელოდა, ამიტომ დასვენების უფლებას ვერ მივცემდი საკუთარ თავს", — ამბობს ემილია.