ამერიკულმა ჟურნალმა GQ-მ დემნა გვასალია მოდისა და სტილის მხრივ ყველაზე მნიშვნელოვანი ადამიანების სიაში შეიყვანა.

"ვის აქვს ყველაზე დიდი გავლენა? არავინ იცის. სიები სუბიექტური და პოლიტიკურია. ასე რომ, გულთან ნუ მიიტანთ, თუ თქვენი სახელი ან ბრენდის წარმომადგენელი სიაში ვერ ნახეთ", - წერია სტატიის შესავალში.

50-კაციან სიაში Vetements-ის დამაარსებელი და Balenciaga-ს კრეატიული დირექტორი მეხუთე ადგილს იკავებს. სიის სათავეში Dior-ის სახლის მამაკაცის ხაზის დიზაინერი კიმ ჯონსია, მეორე ადგილზეა ლუი ვიტონის არტ-დირექტორი ვირჯილ აბლო.

ამ სიით, დემნა გვასალიამ გადაუსწრო ისეთ გავლენიან ადამიანებს, როგორებიც არიან ნაომი კემპბელი, რიანა, ალესანდრო მიშელი, სერენა უილიამსი და კანიე ვესტი.

GQ დემნა გვასალიას შემოქმედებას რთულს, უშიშარს, კომპლექსურსა, გამბედავსა და ინტელექტუალურს უწოდებს.