თუ მშობელი, ინტერნეტ-მომხმარებელი, ან უბრალოდ საზოგადოების ფუნქციონალური წევრი ხართ, დიდი შანსია, რომ Baby Shark მოსმენილი გქონდეთ, თუმცა იცით, რამ განაპირობა ამ სიმღერის ასეთი ეპიკური წარმატება?

კორეული კომპანიის Pinkfong-ის ქმნილებამ მთელი მსოფლიოს მასშტაბით შეაღწია ადამიანების ტვინში. სიმღერას 2 მილიარდზე მეტი ნახვა აქვს და ამ წარმატებაში მნიშვნელოვანი წვლილი დასამახსოვრებელ ცეკვასაც მიუძღვის.

Baby Shark-ის ისტორია მარტივია: პატარა ზვიგენი ოკეანეში ცურავს, მას გვერდზე მიჰყვებიან დედა ზვიგენი და მამა ზვიგენი, გუნდს უერთდება ბებია ზვიგენი და ბაბუა ზვიგენი. ისინი წყვეტენ, პატარა თევზებზე ინადირონ, თუმცა მათი მოსანადირებელი ობიექტები იმალებიან და უსაფრთხოდ გრძნობენ თავს (წარმოიდგინეთ ამ ყველაფერს დამატებული დუ-დუ-დუ-დუ-დუ-დუ-დუ)

სიმღერა გამაღიზიანებლად აკვიატებადია და სწორედ ამან განაპირობა Baby Shark-ის თავბრუდამხვევი წარმატება: Baby Shark იმდენივეჯერ ნახეს Youtube-ზე, რამდენჯერაც დისნეის გახმაურებული სიმღერა Let it Go.

Pinkfong-ის მარკეტინგის დირექტორი, ჯეიმი ო აცხადებს, რომ სიმღერა კორეული ტრადიციული "გათვლიდან" მოდის, თუმცა როგორც ჩანს, კომპანია ინსპირაციის წყაროებს მედიას გულწრფელად არ უმხელს.

სავარაუდოდ, Baby Shark-ის შემქმნელებს გერმანული ტექნო-კომპოზიცია Kleiner Hai ნანახი ჰქონდათ:

ვიდეო 2008 წელს არის გამოქვეყნებული და მიუხედავად განსხვავებული ესთეტიკისა, კორეულ საბავშვო სიმღერას ძალიან ჰგავს.

ამჟამად Baby Shark დიდი ბრიტანეთის ჩარტებში 32-ე ადგილს იკავებს და მისი მომხიბვლელობის წინაშე ცნობილი ადამიანებიც უძლურნი არიან.

View this post on Instagram

maaamaa shark dooo doo doo dooo

A post shared by Kylie (@kyliejenner) on

კაილი ჯენერის ეს პოსტი ცხადი დასტურია, რომ Baby Shark იმაზე ბევრად დიდი მოვლენაა, ვიდრე მის სამიზნე აუდიტორიას, 5 წლის ბავშვებს წარმოუდგენიათ.