შინაგან საქმეთა სამინისტროს ინფორმაციით, დააკავეს პირი, რომელმაც მამიდა ბლაგვი საგნით მოკლა და ცხედარი სარდაფში გადამალა.

გამოძიების ინფორმაციით, 32 წლის კაცმა, 67 წლის მამიდა ურთიერთშელაპარაკების ნიადაგზე 10 დეკემბერს მოკლა და შემთხვევის ადგილიდან მიიმალა. ცხედარი 5 დღის შემდეგ ნათესავებმა აღმოაჩინეს.

ბრალდებული საქართველო-სომხეთის საზღვარზე, სადახლოში დააკავეს. უწყებაში ამბობენ, რომ ის ჩადენილ დანაშაულს აღიარებს.

გამოძიება ოჯახური ძალადობის ნიადაგზე ჩადენილი განზრახ მკვლელობის საქმეზე, საქართველოს სსკ-ს 11 პრიმა 108-ე მუხლით მიმდინარეობს. დანაშაული 7-დან 15 წლამდე ვადით თავისუფლების აღკვეთას ითვალისწინებს.