ფოლკლენდის ერთ-ერთი კუნძული მასზე მცხოვრებ პინგვინების კოლონიასთან ერთად იყიდება.

კუნძული 150 წლის განმავლობაში იყო ერთი ოჯახის მფლობელობაში, თუმცა თავდაპირველი მყიდველის შვილთაშვილი სემ ჰარისი აცხადებს, რომ ქონების მართვა ძალიან უჭირს. თანაც, მისი ოჯახიდან იქ 1950-იანი წლების შემდეგ აღარავის უცხოვრია.

32 კილომეტრის სიგრძისა და 6.5 კილომეტრი სიგანის მქონე კუნძული დინების ოჯახმა 1869 წელს მხოლოდ £400-დ შეიძინა.

რაც შეეხება გასაყიდ ფასს, მფლობელის განცხადებით, ტერიტორიის ღირებულება უძრავი ქონების სააგენტომ უნდა შეაფასოს, თუმცა შემოთავაზებას პოტენციური კლიენტებისგანაც ელოდებიან.

ამჟამად კუნძულზე პინგვინების ხუთი სახეობა, ჩიტების 42 სახეობა, ზღვის ლომები, 6 000 ცხვარი და 125 მსხვილფეხა ცხოველი ცხოვრობს.